Fëmijë Special

Aplikacioni “Fëmijë Special” është konceptuar për të gjithë fëmijët me aftësi ndryshe prej moshës 6-16 vjeç dhe synon të informojë dhe ndërgjegjësojë këta fëmijë rreth sjelljeve të shëndetshme. Aplikacioni jep informacione mbi vlerën e madhe dhe rëndësinë e të ushqyerit të shëndetshëm për gjendjen e mirë shëndetësore dhe mirëqënien e fëmijëve. Ky aplikacion synon të motivojë dhe inkurajojë ata që të jenë sa më aktivë në veprimtari dhe ushtrime fizike nëpërmjet informacionit dhe multimedias interaktive. Aplikacioni u hartua në kuadër të projektit “Shkollat per Shëndetin”, i cili është një projekt i Agjencisë Zviceriane per Zhvillim dhe Bashkepunim (SDC), që zbatohet nga organizata “Save the Children”.